AUSWANDERERBLOG

Es schiint, e Buume-Boom sig usbroche! Ämu z’Bärn. Üsi Vorstelig vo WIR ERBEN isch usverchouft gsi, äbeso die vor üsere u die nach üsere. Ar Türe vom Chino Rex het’s am Samschti e regelrächte Stou gä. U au wo si use cho, si begeischteret gsi. Bi üs isch am Schluss luut klatschet worde.
 
Er hät e fiini Art, de Simon, fadegraad ines Thema iche z’ga u i ruiger Erzählwiis de Beteiligte Wort u Ruum z’gä. Me laht sich gärn mitnäh. Wie das er verzellt mit Bild u Wort würkt eso bsunne. U i däm Wort steckt s’Wort Sunne, wo warm git. 
 
We mer dr Ruedi u siner patriarchale Züüg chli kennt, isch es Gnuss, zue z’luege wie ne Frou u Chind sanft agschirre. Er darf de durchus am Wage schrisse, aber si länke s’Fueder so am Ziil zue, das nid zviu links u rächts drab gheit.
 
Dr Film isch e Hommage a öichi Familie u e glungeni Usenandersetzig mit em erbe vo materielle u mönschliche Güeter, wo villne wird Astoss si, o chli meh drüber naz’dänke, was d’Wält zämehet.
 
Mer tüe de Film allne wiiter empfäle, wo mer kenne.
 
Doris&Herbert